مسيرات ملهمة
استكشف قصص نجاح الأكاديميين ورحلاتهم مع البحث العلمي
مشاكل تجنب الوقوع فيها اثناء رحلتك التعليميه في مجال البرمجه
مشاكل احذر الوقوع فيها وانت بتتعلم
.
.
1- لما تيجي تتعلم حاجه ماتبصش للمسار بتاعك بالكامل هتحس ان المشوار طويل وهتحبط . اعمل لنفسك mile stone و خلي هدفك النهارده انك توصل للمحطه الجايه. ولما توصل المحطه الجايه حط هدف توصل المحطه اللي بعدها .
2- البرمجه فيها تخصصات ف مش لازم تبقى full stack يا اما ما تبدأش عادي جدا ممكن تشتغل ف شركه Frontend وممكن تشتغل backend واصلا ده المعتاد والشائع .
3 - ال Ui / Ux ده مجال مالهوش علاقه بالبرمجه ف لو كنت بتتعلمه عشان تبني موقع كامل من الصفر لدرجه التصميم انت اللي عامله من دماغك ف دي حاجه كويسه لكن مش مجبر تتعلمها وده اصلا مجال اقرب للجرافيك ديزاين اكتر منك انت .
4- مسؤليه الشكل الحلو للتصميم دي مسؤليه ال Ui / Ux مش مسؤليتك خالص . انت دورك تنفذ التصميم اللي بيجيلك من ال Ui / ux
5 - مافيش حاجه اسمها Html سنه 2021 مش عشان حد شرحها قريب يبقى اللي انت اتعلمته قبل كده هتعيده من تاني . بالطريقه دي انت هتفضل طول حياتك بتجري ف دوامه وكل ما ينزل حاجه جديده هتبقى ملزم تتعلمها . ولو فرضنا ده ف انت بتتعلم الجديد فقط . يعني مش بتعيد تعليم من الأول .
6- مش معنى انك فضلت بعيد فترة انك لما هترجع هتبدأ من الاول . عادي جدا تكمل من حيث انتهيت ولو في حاجه نسيتها هتفتكرها أسرع بكتير من واحد لسه اول مره بيتعلم .
7- يمكن تطبيق رقم 1 و رقم 6 في تحقيق اهدافك ف الحياة بشكل عام وليس أثناء تعلمك للبرمجه فقط .
0 تعليقات
إترك تعليقًا